Við drúgvum royndum og serfrøðingum innan lastbilaviðlíkahald, bjóðar verkstaðurin hjá Stórbilar tænastu í serflokki.  Stórbilar varð stovnað í juni mánaða 2011, tá var navni PL-Stórbilar. Samstarvið millum partarnar sum Volvo verkstaður fór í gongd á heysti í 2010 tá táverandi Volvo umboðið lat aftur og tí høvdu Volvo lastbila- og busseigarar einki Volvo verkstað at senda sínar bilar á. Virksemi byrjaði í bygningum hjá Petur Larsen pf á havnarlagnum í Fuglafirði.  Tá Volvo Truck Danmark bjóðaði áhugaðum at gerast alment Volvo umboð í Føroyum bjóðu táverandi eigara seg fram og valdi Volvo Truck Danmark okkum at gerast umboð uppá Volvo lastbilar og bussar í Føroyum. Avtalað varð undirskrivað við Volvo Truck Danmark í mai 2011.  Stutt eftir at avtalan varð undirskrivað fluttu vit úr bygninginum hjá Petur Larsen í Fuglafirði til núverandi verkstað okkara í Hvalvík.  Við ársbyrjan 2018 keypti John Olsen PL-Stórbilar frá P/F Petur Larsen og Tórleif Nón og broytti navnið til Stórbilar.  Tann 8/2-2021 keyptu núverandi eigarar Stórbilar, tí John ynskti at brúka sína orku á øðrum stað.